పెద్ద బాలశిక్ష రూపకర్త, గ్రంధకర్త, శ్రీ గాజుల సత్యనారాయణ యూనివర్సల్ గ్లోబల్ పీస్ , అమెరికా వారి గౌరవ డాక్టరేట్ పొందారు . వారి పుస్తకం 'పెద్ద బాల శిక్ష ' 126 వ ముద్రణ వెలువడింది . ఇప్పటివరకు 7 లక్షల ప్రతులు అమ్ముడు పోయాయి . ఇది ఒక గొప్ప శిఖరాన్ని అందుకోవటం లాంటిది . ఇది ఒక ప్రాంతీయ బాషా పుస్తకం ఇన్ని ముద్రణల తో , ఇన్ని ప్రతులు అమ్ముడు పోవటం - భారతీయ బాషల లో తెలుగు బాషకు దక్కిన అరుదైన గౌరవం .ఈ సందర్భంగా కృష్ణాజిల్లా రచయితల సంఘం , ప్రపంచ పుస్తక దినోత్సవ పండుగ రోజు సాయంత్రం - అంటే 23-4-2015 న శ్రీ గాజుల సత్యనారాయణ గారిని అభినందించి సత్కరించింది . పలువురు మిత్రులు, శ్రేయోభిలాషులు ఆయనని సత్కరించారు. ఈ అభినందన సభ, కృష్ణాజిల్లా రచయితల సంఘం అధ్యక్షులు, శ్రీ గుత్తికొండ సుబ్బారావు, కార్యదర్శి డా . జి .వి . పూర్ణచంద్ ఆధ్వర్యంలో సంబరంగా జరిగింది .
డా . డి . రవి (తంజావూరు సరస్వతి మహల్ గ్రంధాలయం , తెలుగు పండితులు) సరస్వతి గ్రంధాలయం యొక్క విశేషాలను చెప్పారు. ఇది అతి పురాతనమయిన గ్రంధాలయం అన్నారు . వారు చెప్పిన విశేషాలు విని
వెంటనే తంజావూరు వెళ్లి ఆ తెలుగు గ్రంధాలయా న్ని సందర్శించి తరించాలనిపించింది చాలా మందికి .
శ్రీ గుత్తికొండ సుబ్బారావు , డా . జి .వి . పూర్ణచంద్ , డా . ఈమని శివనాగి రెడ్డి ( రాష్ట్ర సాంస్కృతిక శాఖ పూర్వ సంచాలకులు ), డా . పాలెపు సుబ్బారావు (ప్రభుత్వ ప్రాచ్య లిఖిత గ్రంధాలయ మరియు పరిశోధనాలయ సహాయ సంచాలకులు , హైదరాబాద్ ), డా . రావి శారద (కార్యదర్శి, ఆంధ్రప్రదేశ్ గ్రంధాలయ సంఘం), శ్రీ శిరం రామారావు (విజయవాడ బుక్ ఫెస్టివల్ సొసైటీ అధ్యక్షులు) ప్రసంగించారు .
సభ ముగింపులో "పుస్తకం " మీద కొందరు తమ కవితలను చదివి వినిపించారు .
No comments:
Post a Comment