బాపు గారి ఆశీస్సులు

అలనాడు ఎప్పుడో నేను గిలికిన నాలుగు కార్టూన్లూ ఓ పుస్తకంగా వేసుకుందామని తలబెట్టి అనుకున్నదే తడవుగా "బాపు" గారిని మీ అభిప్రాయం ఏమిటో చెప్పండి అని అడిగినప్పుడు, మన బాపూ గారు చల్లగా నవ్వి వెయ్యి మాటలెల అని నాలుగు గీతల్లో నన్ను ఆశీర్వదించిన ఈ బొమ్మ మీ కోసం .

ఆ వస్తున్నా !!

గురుతుల్యుడు, స్పూర్తి ప్రదాత, నాకెంతో ప్రీతిపాత్రుడు, "బాపు" గారు మెచ్చినది ఈ కార్టూన్. బాపు గారికి నమస్కరిస్తూ, నా కార్టూన్ బ్లాగ్ ఈ రేఖా చిత్రంతో మొదలు పెడుతున్నాను.

గురువు లాంటి స్నేహితుడు

నా ప్రియతమ మితృడు భగవాన్ దాస్ తో 1970 లలో తీయించుకున్న ఫోటో

అవును స్నేహితుడే గురువు. వయస్సులో నా సాటివాడే కాని నాకు ఎంతో స్పూర్తి, ధైర్యం, ఆత్మ స్థైర్యాన్ని ఇస్తూ, ముఖ్యంగా, కార్టూన్లు వెయ్యటానికి ఎంతగానో ప్రోత్సహించినది నా ప్రియతమ స్నేహితుడు శ్రీ క్యానం భగవాన్ దాస్. విజయవాడ సత్యనారాయణపురం లో ఒక చక్కటి టైపు ఇన్స్టిట్యూట్ నడుపుతూ ఎందరికో చక్కటి విద్యా దానం చేసాడు భగవాన్ దాస్. ఇప్పుడు మన మధ్య ఆయన లేకపోయినా, నాకెప్పుడూ గుర్తుండే గురువు లాంటి స్నేహితుడు భగవాన్ దాస్. అతను కూడ ఆపుడప్పుడూ కార్టూన్లు వేస్తో ఎంతో సరదాగా ఉండేవాడు.